Qostanaida áielge enesi men qaiyn sińlisi shabýyl jasap, janjal kezinde onyń úiiniń terezeleri syndyrylǵan. Oqiǵaǵa qatysty politsiia qylmystyq is qozǵady, dep habarlaidy ult.kz.
Áieldiń aitýynsha, janjal úiiniń syrtyna kir jaiyp qoiǵannan keiin bastalǵan. Osydan soń týystar arasynda janjal týyp, jaǵdai tóbeleske ulasqan.
Oqiǵa ornyna jergilikti politsiia inspektory dereý barǵan. Politsiianyń málimetinshe, janjal barysynda kelini turyp jatqan úidiń terezelerin úi iesiniń qyzy syndyrǵany anyqtalǵan.
«Daý kezinde kelini turǵan úidiń terezelerin úi iesiniń qyzy syndyrǵany anyqtaldy. Eki áielge de dene jaraqatyn salǵany úshin qylmystyq ister qozǵaldy. Daýlasýshy taraptardyń árqaisysynyń áreketteri zańdy túrde baǵalanady», – dep habarlady politsiia.
Qazir oqiǵanyń barlyq mán-jaiy anyqtalyp jatyr. Qylmystyq ister aiasynda janjalǵa qatysqan áielderdiń áreketine quqyqtyq baǵa beriledi.
Politsiia tergeý nátijesinde kináli tulǵalardyń jaýapkershiligi zań aiasynda qaralatynyn málimdedi.
