Qazaqstan fýtbol federatsiiasynyń prezidenti Marat Omarov Almaty oblysyndaǵy «KZ Recycling» qaǵaz zaýytyna qatysty daýǵa alǵash ret pikir bildirdi, dep habarlaidy ult.kz Nege.kz aqparat portalyna silteme jasap.
«KZ Recycling» zaýyty onyń anasy Sholpan Omarovaǵa tiesili. Alaida QFF prezidenti bul bizneske esh qatysy joq ekenin aitty.
«Men bul aqparattan habarsyzbyn. Ata-anamnyń biznesine aralaspaimyn, ishki jumystaryn talqylamaimyn. Olardyń kásibine eshqandai qatysym joq. Jeke ózimniń eshqandai zaýytym joq, ondai kásiporyndarda úlesim de joq», – dedi Marat Omarov.
Buǵan deiin Almaty qalasy Naýryzbai aýdanyndaǵy Alma City-5 turǵyn úi kesheniniń turǵyndary «KZ Recycling» zaýytyn kóshirý máselesin kótergen edi. Olardyń aitýynsha, zaýyttan shyǵatyn tútin qorshaǵan ortaǵa ziian tigizip otyr.
Aita keteiik, 2024 jyldan beri «KZ Recycling» kompaniiasy ekologiialyq zańnamany buzǵany úshin úsh ret jaýapkershilikke tartylyp, jalpy kólemi 49,9 mln teńge aiyppul tólegen.
