QR Densaýlyq saqtaý ministri Aleksei Tsoi QazVaq otandyq vaktsinasyn Dúniejúzilik densaýlyq saqtý uiymymen tirkeý protsesi qai kezeńde ekenin aityp berdi, dep habarlaidy QazAqparat.
«Árine, protsess júrip jatyr. Jaqynda ǵana Jenevada bolǵan saparymda Dúniejúzilik densaýlyq saqtaý uiymy bas direktorymen pikir almastyq. Olar uiym tarapynan tolyq qoldaý bolatynyn alǵa tartty. Qazirgi kezde tiisti jumystar júrip jatyr. Qazaqstanda ornalasqan bizdiń óńirlik keńse de osy máselemen ainalysyp jatyr. Iaǵni, qujattardy tapsyrý rásimi júzege asyrylyp jatyr», - dedi Tsoi Parlament Májilisinde tilshiler saýalyna jaýap bere otyryp.
Onyń aitýynsha, qazirgi kezde mamandar qandai qosymsha qujattardy ótkizý kerek ekenin aiqyndap jatyr.
