«QazVac» vaktsinasy virýstyń mýtatsiialanǵan shtamdaryna da tótep bere alady. Bul týraly onlain brifing barysynda QR klinikalyq jáne irgeli meditsina akademigi, S. Asfendiiarov atyndaǵy QazUMÝ epidemiologiia kafedrasynyń professory Sáken Ámireev aitty, dep habarlaidy QazAqparat.
Qazaqstan epidemiologiiasynyń negizin qalaýshy Sáken Ámireevtiń aitýynsha, otandyq vaktsina inaktivatsiialanǵan, onyń dozasy 0,5 ml/doza jáne bulshyqetke egiledi. Quramynda SARS-CoV-2 tazartylǵan inaktivirlengen tutas viriondy shtammy bar. Mundai vaktsinalar dene temperatýrasyn kótermeitin jeńil asqynýlarǵa ie. «Spýtnik-V» siiaqty, ol da eki komponentti jáne 21 kúndik intervalmen engiziledi.
Spiker qala turǵyndaryn koronavirýstan ekpe alýǵa asyǵýǵa shaqyrdy, óitkeni álemde búgingi tańda bul infektsiiany juqtyrǵandar sany 146 mln asty.
«Osy ýaqytqa deiin koronavirýstan shamamen 3 mln astam adam qaitys boldy. Eger halyq áli de kútip, ekpe saldyrmasa, bizdiń qansha adamdy joǵaltatynymyz belgisiz. Vaktsina aýrýdyń aldyn alatynyn este saqtaý kerek. Bul halyqtyń ujymdyq immýnitetin qalyptastyrýy úshin qajet. Epidemiologiia zańy boiynsha immýndyq qabat paida bolýy úshin halyqtyń 60% jáne odan kóp bóligi vaktsinatsiialanýy qajet.Ujymdyq immýnitet osyndai kórsetkishter bolǵan kezde qalyptasady», - dedi Sáken Ámireev.
Ol halqynyń 84%-dan astamy ekpe alǵan Izrail memleketin mysalǵa keltirdi. Jappai vaktsinatsiianyń arqasynda karantindik sharalar ishinara álsiredi.
Spiker antidenelerdi tekserýdiń sońynda júrip, qarajat pen ýaqytty ysyrap etpeýge shaqyrdy.
«Halyq keide ekpe jasamaý úshin sebep izdeidi. Aýrýdy jasyrýdyń qajeti joq, sonymen qatar koronavirýspen aýyrǵandardyń immýniteti álsiz ekenin este ustaǵan jón, sondyqtan olar qalpyna kelgennen soń 6 aidan keiin vaktsinatsiialanýy kerek. Vaktsina jalpy jaqsy ótedi. Vaktsinany alǵandar ózderin jaqsy sezinedi. Múmkindikti paidalana otyryp, halyqqa júgingim keledi: vaktsinatsiiadan qorqýdyń qajeti joq, COVID-19 vaktsinatsiiasy – aldyn alýdyń senimdi tásili», - deidi professor.
Sonymen qatar, ol «QazVac» vaktsinasy virýstyń barlyq mýtatsiialanǵan shtamdaryna tótep bere alatynyn tilge tiek etti.
«Inaktivtendirilgen vaktsina tolyǵymen virionnan jasalǵan jáne onda aqýyzdardyń barlyq spektri saqtalǵan, sondyqtan kez kelgen mýtatsiia kezinde «QazVac» vaktsinasynan keiin qalyptasqan antideneler virýsty tanidy, ony zalalsyzdandyrady jáne jańa virýspen kezdesý jaǵdaiynda infektsiia týraly aqparatty saqtaidy», - dep túsindirdi ol.
