QazVac-ty DDU-da tirkeýge amerikalyqtar da atsalyspaqshy. Bul týraly koronavirýsqa qarsy otandyq vaktsinany jasaýshy ǵylymi toptyń jetekshisi, Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zákariia aitty, dep habarlaidy QazAqparat.
«Jaqynda biz resmi delegatsiiamen Shveitsariiada boldyq. Sol jerde m3 GROUPE degen iri kompaniiamen kelisimshartqa otyrdyq. Bulardyń bizge beretin kómegi – vaktsinamyzdy áýeli Shveitsariiada, ári qarai Dúniejúzilik densaýlyq saqtaý uiymynda tirkeý jáne kelesi jyldyń basynan bastap Afrika jáne Latyn Amerikasy elderine aparyp satý. Iaǵni, buiyrsa, vaktsinamyzdy eksportqa shyǵaraiyq dep otyrmyz. Al búgin tańerteń amerikalyq úlken delegatsiiamen kezdestik. Syrtqy ister ministrliginde keńeitilgen jinalys boldy. Sol jerde olar QazVac-ty DDSU-da tirkeýge kómek beremiz degendi aitty. Sondyqtan da bul jumys qarqyndy júrip jatyr. Syrtqy ister ministrligi úlken kómek berip otyr», - dedi ǵalym «Habar 24» telearnasynan beriletin «Anyǵyn aitqanda» habarynda.
Biologiialyq qaýipsizdik problemalary ǵylymi-zertteý institýtynyń bas direktory qazaqstandyq QazVac pen reseilik «Spýtnik V» ekpelerin bir-birimen salystyrý qate ekenin aitty.
«Ekeýi eki túrli tehnologiiamen jasalǵan. Bulardy salystyrýǵa bolmaidy. Bizdiki inaktivtelgen. Iaǵni, onyń ishinde virýs tolyǵymen alynǵan. Búkil aqýyzdar ishinde saqtalǵan. Tek qana himiialyq zatpen óltirilgen. Al «Spýtnik V» - vektorlyq vaktsina. Onda belgili bir virýstyń kishkene bir bóligin alady da, vektorǵa salyp ishke ótkizedi. Múlde uqsamaityn eki tehnologiia. Olardy bir-birimen salystyrýǵa bolmaidy, salystyrýǵa kelmeidi», - dedi Kúnsulý Zákariia.
