QR Densaýlyq saqtaý birinshi vitse-ministri Marat Shoranov Qazaqstandyq QazVac vatsinasyn qutyǵa quiý protsesi nelikten Túrkiiada júrgiziletindigin túsindirdi, dep habarlaidy QazAqparat.
«Is júzinde Qazaqstan biologiialyq ónimdermen jumys isteýge qabiletti barlyq óndiristik alańǵa baǵalaý júrgizdi. Muny buǵan deiingi brifingilerde de atap ótken edik. Qaraǵandy farmatsevtika zaýytynda vaktsina óndirisine qatysty másele boiynsha sheshim atalǵan vaktsinanyń adenovirýstyq platformada jasalatyndyǵyna bailanysty qabyldandy. Onyń patogendik deńgeiine qatysty talaptar asa joǵary emes», - dedi ol Ortalyq kommýnikatsiialar alańynda ótken baspasóz máslihaty barysynda.
Birinshi vitse-ministrdiń atap ótýinshe, otandyq ǵalymdar ázirlegen vaktsinanyń inaktivtelgen tehnologiiasyna sáikes, ony ónerkásiptik aýqymda shyǵarý kezinde óndiristik alań úshin patogendiktiń ekinshi sanatynyń bolýy talap etiledi.
«Osyǵan bailanysty Jambyl oblysynda zaýyt salý týraly sheshim qabyldandy. Atalǵan vaktsinany qutyǵa quiýy múmkin túrik óndirýshisine qatysty aitar bolsaq, bul álemdik tájiribe. Búginde iri óndirýshilerdiń barlyǵy jobalaryn masshtabtaý úshin ózge de alańdardy paidalaný jáne oqshaýlaý múmkindikterin izdeidi. Demek, bizdiń vaktsinanyń da barlyq talapqa sai keletin alańda quiylýǵa quqyǵy jáne múmkinshiligi bar», - dedi Marat Shoranov.
