QazVac (QazCovid-in) – bul inaktivtendirilgen, tazartylǵan jáne kontsentratsiialanǵan vaktsina. Onyń quramyna aliýminii gidrototyǵy – adiývant qosylǵan, dep habarlaidy QR Bilim jáne ǵylym ministrliginiń baspasóz qyzmeti.
Otandyq vaktsinany ázirleý barysynda jyldar boiy qoldanylǵan tehnologiia paidalanyldy. Onyń barlyq komponenti senimdi, óitkeni olar basqa vaktsinalardy ázirleý kezinde aprobatsiiadan (synaqtan) ótken.
Inaktivtendirilgen vaktsinany ázirleý platformasy belgili jáne qaýipsiz bolyp tabylady. Onyń quramyndaǵy komponentter azamattar buryn alǵan vaktsinalardyń quramynda bolǵan. Vaktsinaǵa qosylǵan bir ǵana jańa komponent – inaktivtendirilgen virýs.
Inaktivtendirilgen vaktsina dástúrli jáne tiimdi bolyp sanalady, ony daiyndaý tehnologiiasy kúrdeli emes jáne vaktsinalardyń basqa túrlerine qaraǵanda qaýipsiz. Sondyqtan qazaqstandyq ǵalymdar inaktivtendirilgen vaktsina jasaý týraly sheshim qabyldady.
