QR Densaýlyq saqtaý birinshi vitse-ministri Marat Shoranov qazaqstandyq QazVac vaktsinasynyń daiyndyǵyn tekserýmen qandai mekeme ainalysatyndyǵyn aitty, dep habarlaidy QazAqparat.
«Bul jumyspen eń aldymen atalǵan vaktsinany ázirleýshi institýt ainalysady. Al Densaýlyq saqtaý ministrligi tarapynan bul jumysqa Ulttyq dárilik zattardy saraptaý ortalyǵynyń sarapshylary men mamandary qatysady», - dedi Marat Shoranov Ortalyq kommýnikatsiialar qyzmetindegi baspasóz máslihaty barysynda.
Onyń atap ótýinshe, vaktsinany qoldanysqa engizý klinikalyq synaqtar nátijesiniń daiyn bolýyna bailanysty.
«Osy aptanyń ishinde qazaqstandyq vaktsinanyń klinikalyq synaǵynyń úshinshi satysy 50 paiyzǵa aiaqtalady dep josparlanǵan. Tirkeý jáne odan ary paidalanýǵa qatysty esepterdi kútetin bolamyz», - dedi QR Densaýlyq saqtaý birinshi vitse-ministri.
Buǵan deiin Marat Shoranov Qazaqstandyq QazVac vatsinasyn qutyǵa quiý protsesi nelikten Túrkiiada júrgiziletindigin túsindirgenin jazǵan edik.
