Qazaqstandyq vaktsinany synaýdyń úshinshi fazasynyń aralyq nátijeleri boiynsha eshqandai keri áser baiqalmaǵan, dep habarlaidy QazAqparat.
Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria ortalyq kommýnikatsiialar qyzmetinde ótken baspasóz máslihatynda osyndai málimet keltirdi.
«Qazaqstandyq vaktsina synaǵynyń birinshi jáne ekinshi fazasy boiynsha keri áserlerdi baiqaǵan joqpyz. Tek isý belgileri baiqaldy. Vaktsina salǵan jer álsiz isinse kerek. Jalpy bizdiń hattamalarda tirkelgen osyndai ǵana sátter bar. Kúrdeli jaǵdailar baiqalǵan joq. Úshinshi fazanyń aralyq zertteýleri boiynsha da ázirge eriktilerdiń jaǵdaiy qanaǵattanarlyq. Keri áserlerdi kórip otyrǵan joqpyz», - dedi institýt basshysy.
