Biologiialyq qaýipsizdik problemalary ǵylymi-zertteý institýty QazSovid-in vaktsinasy qoimalarǵa jiberý úshin DSM-niń ruqsatyn kútip otyr, dep habarlaidy QazAqparat.
Jambyl oblysyndaǵy Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria QazSovid-in vaktsinasynyń qoldanysqa shyǵý merzimi týraly aitty.
«Vaktsinany óndirý úshin aldymen klinikalyq zertteýlerdi ótkizý kerek. Sonymen birinshi birinshi, ekinshi klinikalyq zertteý fazalary ótti. Jaqynda úshinshi fazanyń 50 paiyz zertteýleri aiaqtalady. Odan keiin biz bul esepti Densaýlyq saqtaý ministrligine jiberip, olardyń ruqsaty bolǵannan keiin ǵana bul ónimderdi adamdarǵa bere alamyz», - degen institýt basshysy zertteýlerdiń sáýir aiynda aiaqtalatynyn aitty.
«Negizinde qazir vaktsinanyń alǵashqy partiiasy daiyn tur, biologiialyq baqylaýda. Adamdarǵa bermesten buryn ony birneshe janýarlardyń toptaryna zertteýimiz kerek. Osy sáýir aiynyń aiaǵynda Densaýlyq saqtaý ministrligi ruqsatyn bergen jaǵdaida muny «SQ Farmatsiia»-nyń qoimalaryna jetkizemiz», - dedi Kúnsulý Zakaria.
