- Qazaqstan elimizdegi iri bankti qutqarýdyń alǵashqy qadamy retinde 1,5 trln teńge (4,5 mlrd dollar) kóleminde shuǵyl qaryz berdi, dep habarlaidy Bloomberg agenttigi derekkózge silteme jasap.
Atalmysh operatsiia (bankti qutqarý) - qazirgi tańda Kazkommertsbank AQ men QR Ulttyq banki ókilderiniń talqylap jatqan balamalarynyń biri jáne ol 7 jyl buryn memleket banktiń bereshekterin óteý maqsatynda 20 mlrd dollar bergeni sekildi jahandyq qarjy daǵdarysynan keiingi iri oqiǵalardyń birine ainalýy múmkin. Qazkom men Ulttyq bank ókilderi pikir bildirýden bas tartty, dep jazady Bloomberg.
S&P Global Ratings zertteýiniń málimetine sáikes, munai baǵasynyń tómendeýi men kórshi Reseidegi qarjy júiesiniń quldyraýy saldarynan Ortalyq Aziia elderi qazirgi tańda qiyn jaǵdailardy bastan ótkerýde.
15 jeltoqsan kúni Kazkommertsbank QR Ulttyq bankinen ótimdilikti qoldaý maqsatymen 400 mlrd teńge alǵan, dep habarlaidy jasyryn derekkózder.
«Elimizdiń iri depozitterdi ustaýshysyna jaǵdaidy retteý máselesin soza ruqsat berildi. Qazirgi tańda bankti qutqarýdyń túrli joldary talqylanýda», - dep atap ótti Bloomberg derekkózi.
Buryn, 2014 jyly Kazkommertsbank eki ret defoltqa ushyraǵan BTA Bankti satyp alý úshin 250 mlrd teńge alǵan bolatyn. Soǵan qaramastan, KKB sol jyldyń qańtar aiynan beri munai baǵasy tómendep, teńge baǵamy álsiregen, ekonomikalyq ósimniń azaiýy saldarynan qaryzdar máselesin sheshe almady.
