Qazkom banktik litsenziiasyn ótkizedi, - dep habarlaidy "Ult aqparat" qarjy institýtynyń baspasóz qyzmetine silteme jasap. Halyk Bank basqarma basshysy Úmit Shaiahmetova muny "eki banktiń birigýiniń tarihi protsesindegi josparly meje" dep atady.
"Bul sáttiń mańyzyn tolyq túsinemiz, sondyqtan Qazkom klientteri tek jaqsy ózgerister kórýine kúsh salyp jatyrmyz. Qos banktiń komandalary operatsiialardyń Halyq bankinde shoǵyrlandyrýda birneshe ai eńbektenip jatyr. Halyq banki Qazkom klientteri men kontragentteri aldyndaǵy barlyq jaýapkershilikti óz moinyna alady. Klientter esebi ótkizilgennen keiin Qazkom-ǵa banktik litsenziia qajet emes. Sondyqtan ony ótkizý týraly sheshim qabyldandy. Bul aktivter birikkennen keiin bolady, oǵan deiin Qazkom jumysyn qalypty tártipte jalǵastyrady" - deidi Úmit Shaiahmetova.
2018 jyldyń 14 maýsymyndaǵy Qazkom aktsionerleriniń kezektin tys jinalysynda litsenziiany Halyq bankine erikti túrde tapsyrý týraly sheshim qabyldandy. Munyń aldynda QR Ulttyq bankinen Qazkom-dy erikti túrde Halyq bankine qosý týraly ruqsat alynǵan.
"Qazkom barlyq múddeli tulǵalarǵa bank qyzmeti ótkizý aktisine qol qoiylǵansha qalypty jumys isteitinin habarlaýdy kerek dep tapty. Osy ýaqyttan keiin Qazkom bankiniń barlyq quqyqtary men mindetteri Halyq bankine ótkizedi. Halyk Bank belgili ýaqytqa "Kazkommertsbank / Qazkom" brendin saqtai otyryp, bank klienteri men seriktesterine qalypty rejimde qyzmet kórsetedi", - dep atap ótti baspasóz qyzmetiniń ókilderi.
2018 jyldyń 20 sáýirinde eki bank aktsionerleriniń birikken jinalysynda Halyq bankine qosylý týraly sheshim qabyldanǵan.
