Qazaqstandyq akter ári MMA sportshysy Erkebulan Toqtar jeke ómirine qatysty málimdeme jasady, dep habarlaidy ult.kz.
Beibit Álibekovtiń «Po ofisam» baǵdarlamasyna qonaq bolǵan Erkebulan Toqtar biznesi, prodakshn-agenttigi, jeke leibli jáne jeke ómiri týraly áńgimelegen.
Baǵdarlama barysynda akter qazir qarym-qatynasta emes ekenin jáne súiiktisi joq ekenin aitqan.
«Qazir meniń qyzym joq, qarym-qatynasta emespin», — degen ol.
Erkebulan Toqtar jeke ómirinde ázirge joly bolmai júrgenin de jasyrmaǵan. Sonymen qatar ol aǵasynyń mekteptegi mahabbatyna úilenip, qazir bala tárbielep otyrǵanyn aityp, ózin onymen salystyrǵan.
Alaida bul málimdeme áleýmettik jeli qoldanýshylarynyń nazaryn aýdardy. Sebebi buǵan deiin Markiza laqap atymen tanymal Daria Podgornaia Aman Tasyǵanǵa bergen suhbatynda Erkebulan Toqtarmen qarym-qatynasy shynaiy ekenin aitqan edi.
Markizanyń sózinshe, olardyń qarym-qatynasy shamamen alty ai buryn bastalǵan. Ol Erkebulannyń Instagram arqyly alǵash bolyp jazǵanyn, keiin kezdesip, aralarynda sezim paida bolǵanyn aitqan. Bloger bul bailanystyń haip nemese piar emes ekenin de atap ótken.
Osydan keiin jelide Erkebulan Toqtardyń «qarym-qatynasta emespin» degen sózi men Markizanyń buǵan deiingi málimdemesi arasynda qaishylyq bar degen pikirler paida boldy.
Ázirge Erkebulan Toqtardyń bul málimdemesi Markizamen aradaǵy qarym-qatynasyna qatysty ma, álde ol jeke ómirin jariia etpeýdi jón kórdi me — belgisiz.
