Inaktivtelgen vaktsinada virýstyń ishindegi búkil aqýyzdardyń spektorlary saqtalǵan. Bul týraly Ortalyq kommýnikatsiialar qyzmetinde ótken «Qazcovid-in qazaqstandyq vaktsinasy týraly» brifingide aityldy, dep habarlaidy "Ult aqparat".
«Buǵan deiin mamandar «Spýtnik V» vaktsinasynyń koronavirýstyń jańa shtamyna tótep bere alatynyn aitty. Al otandyq vaktsina buǵan qanshalyqty qaýqarly?», - degen tilshi suraǵyna Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria jaýap berdi.
«Inaktivtelgen vaktsinada virýstyń ishindegi búkil aqýyzdardyń spektorlary saqtalǵan. Sondyqtan qandai mýtatsiia kezdesse de, bizdiń vaktsinadan paida bolatyn immýnitet búkil mýtatsiialanǵan shtamdarǵa qarsy tótep bere alady», - dedi ol.
