QazCOVID-in vaktsinasynyń qaýipsizdigi tolyq dáleldendi. Bul týraly Ortalyq kommýnikatsiialar qyzmetinde ótken «Qazcovid-in qazaqstandyq vaktsinasy týraly» brifingide aityldy, dep habarlaidy QazAqparat.
«Qazcovid-in vaktsinasy qazirgi ýaqytta qandai satyda? Bul vaktsina halyqaralyq erejelerge sáikes birneshe satydan ótedi. Eń aldymen patologiialyq materialdan tiri virýstyń ózi bólinip alynady. Patologiialyq materialdy 2020 jyly 23 naýryzda Almatyda koronavirýspen aýyrǵan adamdardan bólip aldyq. Odan keiin patologiialyq materialdan tiri virýsty bólip aldyq. Ony qaita ósirip, sońynda taza virýstyń ózin bólip aldyq. Kelesi satyda odan vaktsina jasaý tehnologiiasyn retteýge kiristik. Vatsinany 2020 jyly 15 mamyrda jasap, resmi túrde tirkedik», - deidi Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria.
Onyń aitýynsha, kelesi saty – klinikaǵa deiingi zertteý jumystary boldy.
«Klinikaǵa deiingi zertteýler arnaiy sertifikattary bar zerthanada júrgizildi. Biz janýarlardyń birneshe túrine zertteý jumysyn júrgizdik. Qazcovid-in vaktsinasynyń qaýipsizdigi tolyq dáleldendi», - dep atap ótti ol.
