Qazaqstannyń ońtústik jáne batys óńirlerinde aptap ystyq saqtalady. Al eldiń shyǵysy men soltústiginde nóser jańbyr jaýyp, naizaǵai oinap, kei jerlerde burshaq túsýi jáne ekpindi jel soǵýy boljanyp otyr, dep habarlaidy ult.kz.
Sinoptikterdiń málimetinshe, Abai jáne Shyǵys Qazaqstan oblystarynyń taýly aýdandarynda qatty jaýyn-shashynǵa bailanysty ózenderdegi sý deńgeii kóterilýi múmkin. Osyǵan bailanysty turǵyndarǵa saqtyq sharalaryn saqtaý usynylady.
Elordada kún bultty bolady. Jańbyr jaýyp, naizaǵai oinaidy. Jeldiń jyldamdyǵy sekýndyna 9–14 metrdi qurap, ekpini 15–18 metrge deiin jetedi. Aýa temperatýrasy túnde +17…+19°C, kúndiz +30…+32°C bolady.
Almatyda da bultty aýa raiy saqtalyp, jańbyr jaýyp, naizaǵai kútiledi. Jeldiń jyldamdyǵy sekýndyna 3–8 metr, ekpini 15 metrge deiin kúsheiedi. Túnde aýa temperatýrasy +19…+21°C, kúndiz +31…+33°C bolady.
Shymkentte jaýyn-shashynsyz, ala bultty aýa raiy boljanady. Jeldiń jyldamdyǵy sekýndyna 8–13 metr, ekpini 15–20 metrge deiin jetedi. Aýa temperatýrasy túnde +20…+22°C, kúndiz +36…+38°C bolady.
