Búgin elimizdiń birneshe óńirinde qolaisyz aýa raiy saqtalady. Sinoptikter jańbyr, qatty jel jáne tumanǵa bailanysty daýyldy eskertý jariialady, dep habarlaidy ult.kz.
Boljam boiynsha, Qostanai jáne Soltústik Qazaqstan oblystarynyń soltústiginde, sondai-aq Almaty oblysynyń taýly aýdandarynda jańbyr jaýady. Sonymen qatar Aqmola oblysynyń soltústiginde, Qostanai oblysynyń ortalyǵynda, Pavlodar oblysynyń soltústik-batysynda, Mańǵystaý oblysynyń soltústik-batysynda jáne Jetisý oblysynyń taýly aýdandarynda álsiz jaýyn-shashyn kútiledi.
Jeldiń ekpini sekýndyna 15–20 metrge deiin kúsheiedi. Qatty jel Qostanai oblysynyń soltústigi men ortalyǵynda, Soltústik Qazaqstan oblysynyń shyǵysy men soltústik-shyǵysynda, Aqmola oblysynyń soltústik-shyǵysynda, Pavlodar oblysynyń soltústiginde, Jetisý jáne Almaty oblystarynyń shekarasyndaǵy Qapshaǵai sý qoimasy aýdanynda, sondai-aq Atyraý oblysynyń jekelegen aýdandarynda jáne Mańǵystaý oblysynyń batysy men soltústik-batysynda kútiledi.
Budan bólek, Shyǵys Qazaqstan oblysynyń taýly aýdandarynda kei jerlerde tuman túsýi múmkin.
Osyǵan bailanysty mamandar turǵyndarǵa aýa raiynyń qolaisyz jaǵdailaryn eskerip, jolǵa shyǵarda saqtyq sharalaryn saqtaýǵa jáne resmi eskertýlerdi nazardan tys qaldyrmaýǵa keńes beredi.
