18 shildede órt Aqmola oblysy, Shyǵys Qazaqstan oblysy jáne Pavlodar oblysy aýmaqtaryndaǵy orman alqaptaryn, sonyń ishinde Baianaýyl ulttyq parkin sharpydy, dep habarlaidy ult.kz.
Órt oshaqtaryn anyqtaý jáne olardy sóndirý jumystaryna memlekettik orman kúzeti qyzmetkerleri, Qazaviaormanqorǵaý kásiporny kúshteri men quraldary, sondai-aq qajet bolǵan jaǵdaida Tótenshe jaǵdailar ministrligi bólimsheleri qosylǵan.
Sonymen qatar Semei ormany aýmaǵynda 16 shildede bastalǵan orman órti 18 shildede oqshaýlandy. Órtti sóndirý bastalǵaly beri tikushaqtar 319 ret sý tógip, jalpy kólemi 709 tonna sý jetkizilgen.
17 shildede ashyq jalyn tolyq sóndirildi. Qazirgi ýaqytta mamandar jekelegen byqsý oshaqtaryn tolyq joiý jumystaryn jalǵastyryp jatyr.
