Qazaqstanda jańa «Psihologiialyq qyzmet týraly» zańdy iske asyrý aiasynda psihologtardyń memlekettik tizilimi qurylyp, olardyń kásibi ádep kodeksi ázirlenedi, dep habarlaidy ult.kz.
Bul másele Eńbek jáne halyqty áleýmettik qorǵaý ministri Asqarbek Ertaevtyń tóraǵalyǵymen ótken apparattyq keńeste talqylandy.
Ministrliktiń málimetinshe, 2 shildede Memleket basshysy qol qoiǵan jańa zań psihologiialyq qyzmet kórsetý salasyn alǵash ret zań júzinde rettep, psihologtardyń kásibi qyzmetine biryńǵai talaptar engizedi. Sondai-aq psihologiialyq kómek alatyn azamattardyń quqyqtaryn qorǵaýǵa baǵyttalǵan.
Zańdy iske asyrý aiasynda Eńbek ministrligi psihologtardyń memlekettik tizilimin júrgizý qaǵidalaryn, kásibi ádep kodeksin jáne basqa da qajetti normativtik qujattardy ázirleidi.
Sonymen qatar memlekettik tizilimdi tsifrlyq formatta iske qosyp, ony qoldanystaǵy memlekettik aqparattyq júielermen biriktirý josparlanyp otyr. Ministrlik bul jumystardy kásibi qaýymdastyqtar men memlekettik organdardyń qatysýymen kezeń-kezeńimen júzege asyratynyn málimdedi.
