Kreativti indýstriialardy damytý qory óńirlerdiń shyǵarmashylyq áleýetin tanytyp, jergilikti brendter men mádeni bastamalardy kópshilikke keńinen nasihattaýǵa arnalǵan Creative Aimaq jármeńkesin bastaidy, dep habarlaidy ult.kz.
Joba aiasynda kórme, sheberlik sabaǵy, mádeni baǵdarlama jáne jergilikti óndirýshilerdiń ónimderin tanystyrý is-sharalary uiymdastyrylady.
Jobanyń alǵashqy aptasy Aqmola oblysyna arnalady. 11-14 maýsym aralyǵynda Kreativti indýstriialardy damytý qory alańynda óńir óndirýshileri óz ónimderi men avtorlyq jobalaryn kópshilikke usynady.
Búginde Aqmola oblysynda kreativti indýstriia salasynda 1 myńǵa jýyq kásipkerlik nysan tirkelgen. Óńirdegi neǵurlym damyǵan baǵyttardyń qatarynda baǵdarlamalyq qamtamasyz etýdi ázirleý, kompiýterlik oiyndardy shyǵarý, toqyma jáne tigin óndirisi, ulttyq kiim tigý, sondai-aq kádesyi daiyndaý bar.
Joba aiasynda kelýshiler óńir sheberleri men óndirýshilerdiń biregei ónimderin satyp ala alady.
