Búgin 25 sáýirde, 15:00-de Qazmedia ortalyǵynyń 5 stýdiiasynda «Tsifrly Qazaqstan» memlekettik baǵdarlamasynyń aiasynda «Qazaqstan» teleradiokorporatsiiasynyń “Qazaqstan TV” mobildik qosymshasynyń tanystyrylymy ótti.
Sharaǵa «Qazaqstan» teleradiokorporatsiiasynyń strategiialyq marketing departamentiniń jetekshisi Jannur Aidarbekova men qosymshany júzege asyrǵan kompaniia basshysy Abai Serǵaziev qatysty.
Bul qosymsha arqyly kórermender korporatsiia quramyna kiretin «Qazaqstan», «balapan» jáne «Qazsport» telearnalarynyń teleónimderin joǵary sapada tikelei efirde kórý múmkindigine ie bolmaq. Iaǵni, kez-kelgen jerde, kez-kelgen ýaqytta qalaǵan baǵdarlamany tikelei efirdiń braýzery arqyly kirip tamashalaýǵa bolady.
Strategiialyq marketing departamentiniń jetekshisi Jannur Aidarbekovanyń aitýynsha: «Tsifrovizatsiia - bul ýaqyt jáne zaman talaby. Elbasymyz óz Joldaýynda aqparattyq-tehnologiialyq sheshimderdi engizý qajettigin aitqan bolatyn. Bizdiń korporatsiia da osy tyń bastamadan tys qalmaýdy kózdep otyr. Bul qosymsha arqyly árbir qazaqstandyq súiitikti baǵdarlamasyn saqtaý fýnktsiiasy arqyly júktep alyp, ózine yńǵaily ýaqytta kóre alady. Sondai-aq, bul qosymshada birqatar fýnktsiialar bar».
Aita keteiik, “Qazaqstan TV” qosymshasynyń erekshelikteri: joǵary sapaly tikelei efirdiń qoljetimdiligi,baǵdarlamalardy saqtaý múmkindigi, baǵdarlamany yńǵaily ýaqytta kórý múmkindigi, jańalyqtardy aýdioarqyly tyńdaý siiaqty kóptegen fýnktsiialardan turady.
Endi “Qazaqstan TV” qosymshasynyń kórermenderi teleradioorporatsiia quramyna kiretin «Qazaqstan», «balapan» jáne «Qazsport» telearnalarymen qatar, «Qazaq radiosy», «Shalqar radiosy», «Astana» jáne «Klassik» radiolaryn elimizdiń ár buryshynda tamashalai alady. “Qazaqstan TV” qosymshasyn AppStore jáne Play Market arqyly júktep alýǵa bolady.
