Prezident Qasym-Jomart Toqaev Shanhaidaǵy jumys sapary aiasynda Tailand Premer-ministri Anýtin Charnvirakýlmen kezdesti, dep habarlaidy ult.kz.
Memleket basshysy Qazaqstan Tailandty Aziiadaǵy basty seriktesterdiń biri retinde qarastyratynyn atap ótti.
Prezident eki eldiń ekonomikalyq yqpaldastyǵynyń keleshegin joǵary baǵalady. Biyl tórt aida taýar ainalymy byltyrǵy sáikes kezeńmen salystyrǵanda 76 paiyzǵa ulǵaiyp, 110 million dollardan asqan.
Qasym-Jomart Toqaevtiń pikirinshe, atalǵan kórsetkishti áli de arttyra túsýge bolady. Ásirese, saýda-sattyq kólemin agrarlyq ónimderdi jetkizý esebinen ulǵaitýǵa mol múmkindik bar.
Memleket basshysy kásipkerlerge qolaily jaǵdai jasaý maqsatynda eki el úkimetteri arasyndaǵy bailanysty jandandyrýdy usyndy. Yntymaqtastyqty jandandyratyn salanyń biri – týrizm. Tailand Qazaqstan azamattary úshin eń tanymal baǵyttardyń qataryna kiredi. Ótken jyldyń ózinde bul elge 150 myńnan asa otandasymyz barǵan.
Qazaqstan da Tailand azamattaryna demalystyń biregei múmkindikterin, sonyń ishinde qysqy týrizm qyzmetin usyna alady.
Anýtin Charnvirakýl eliniń ózara múddege sai kóptegen másele boiynsha yqpaldastyqty arttyrýǵa nietti ekenin málimdedi. Onyń aitýynsha, Bangkok ekonomika, saýda, tsifrlandyrý jáne týrizm salalaryndaǵy áriptestikke tyń serpin berý qajet dep sanaidy.
Kezdesý sońynda Qasym-Jomart Toqaev Premer-ministr Anýtin Charnvirakýldy Qazaqstanǵa resmi saparmen kelýge shaqyrdy.
