پرەزيدەنت قاسىم-جومارت توقاەۆ شانحايداعى جۇمىس ساپارى اياسىندا تايلاند پرەمەر-مينيسترٸ انۋتين چارنۆيراكۋلمەن كەزدەستٸ, دەپ حابارلايدى ult.kz.
مەملەكەت باسشىسى قازاقستان تايلاندتى ازيياداعى باستى سەرٸكتەستەردٸڭ بٸرٸ رەتٸندە قاراستىراتىنىن اتاپ ٶتتٸ.
پرەزيدەنت ەكٸ ەلدٸڭ ەكونوميكالىق ىقپالداستىعىنىڭ كەلەشەگٸن جوعارى باعالادى. بيىل تٶرت ايدا تاۋار اينالىمى بىلتىرعى سەيكەس كەزەڭمەن سالىستىرعاندا 76 پايىزعا ۇلعايىپ, 110 ميلليون دوللاردان اسقان.
قاسىم-جومارت توقاەۆتٸڭ پٸكٸرٸنشە, اتالعان كٶرسەتكٸشتٸ ەلٸ دە ارتتىرا تٷسۋگە بولادى. ەسٸرەسە, ساۋدا-ساتتىق كٶلەمٸن اگرارلىق ٶنٸمدەردٸ جەتكٸزۋ ەسەبٸنەن ۇلعايتۋعا مول مٷمكٸندٸك بار.
مەملەكەت باسشىسى كەسٸپكەرلەرگە قولايلى جاعداي جاساۋ ماقساتىندا ەكٸ ەل ٷكٸمەتتەرٸ اراسىنداعى بايلانىستى جانداندىرۋدى ۇسىندى. ىنتىماقتاستىقتى جانداندىراتىن سالانىڭ بٸرٸ – تۋريزم. تايلاند قازاقستان ازاماتتارى ٷشٸن ەڭ تانىمال باعىتتاردىڭ قاتارىنا كٸرەدٸ. ٶتكەن جىلدىڭ ٶزٸندە بۇل ەلگە 150 مىڭنان اسا وتانداسىمىز بارعان.
قازاقستان دا تايلاند ازاماتتارىنا دەمالىستىڭ بٸرەگەي مٷمكٸندٸكتەرٸن, سونىڭ ٸشٸندە قىسقى تۋريزم قىزمەتٸن ۇسىنا الادى.
انۋتين چارنۆيراكۋل ەلٸنٸڭ ٶزارا مٷددەگە ساي كٶپتەگەن مەسەلە بويىنشا ىقپالداستىقتى ارتتىرۋعا نيەتتٸ ەكەنٸن مەلٸمدەدٸ. ونىڭ ايتۋىنشا, بانگكوك ەكونوميكا, ساۋدا, تسيفرلاندىرۋ جەنە تۋريزم سالالارىنداعى ەرٸپتەستٸككە تىڭ سەرپٸن بەرۋ قاجەت دەپ سانايدى.
كەزدەسۋ سوڭىندا قاسىم-جومارت توقاەۆ پرەمەر-مينيستر انۋتين چارنۆيراكۋلدى قازاقستانعا رەسمي ساپارمەن كەلۋگە شاقىردى.
