Búgin, 23 tamyzda saǵat 06:00-de Qazaqstan Respýblikasynyń Memlekettik Ánuranyn dástúrli túrde oryndaǵannan keiin Qarmet metallýrgiialyq kombinatynyń aýmaǵynda eki sailaý ýchaskesi ashyldy.
Kombinattaǵy óndiris bir minýtqa da toqtaǵan joq. Búgin aýysymda bir mezette shamamen 4 700 metallýrg – bolat balqytýshylar, prokatshylar, energetikter, jóndeýshiler jáne basqa da óndiristik bólimshelerdiń qyzmetkerleri jumys istep jatyr.
«Daýys berýge qatysý – bizdiń azamattyq boryshymyz ári elimizdiń bolashaǵy aldyndaǵy jaýapkershiligimiz. Biz óz jumysymyzǵa jaýapkershilikpen qaraýǵa úirengenbiz. Qazaqstannyń odan ári damýyna áser etetin tańdaýǵa da dál sondai jaýapkershilikpen qaraýdy mańyzdy dep sanaimyz», – deidi metallýrgter.
Daýys berýge Qarmet shahterleri de belsendi qatysyp jatyr. Olar kenshiler óńirindegi qalalarda ornalasqan sailaý ýchaskelerinde óz daýystaryn berýde.
Úzdiksiz óndiriste jumys isteitin qyzmetkerler ózderiniń sailaý quqyǵyn kásiporyn aýmaǵynan shyqpai-aq júzege asyrýy úshin Qarmet basshylyǵy eki sailaý ýchaskesiniń jumys isteýine barlyq qajetti jaǵdaidy jasady.
Daýys berý kásiporynnyń aýysymdyq jumys kestesi eskerile otyryp, kúni boiy jalǵasady.
Qarmet úshin bul, eń aldymen, 23 tamyzda jumys ornynda bolyp, elimizdegi eń iri metallýrgiialyq kásiporynnyń úzdiksiz jumysyn qamtamasyz etip otyrǵan myńdaǵan adamnyń daýys berýge qol jetkizýine múmkindik jasaý.
