Almaty oblysynyń Qarasai aýdanynda 16 jastaǵy qyzdyń iz-túzsiz joǵalyp ketkeni týraly aqparat tarady. Bul jóninde LIDER.KZ eriktiler qozǵalysy habarlady, dep habarlaidy ult.kz.
2009 jylǵy Iasmina Sherzatqyzy Shertaeva 21 shilde kúni shamamen saǵat 23:30 shamasynda Qarasai aýdanyndaǵy úiinen shyǵyp ketken. Sodan beri onyń qaida ekeni belgisiz.
Eriktilerdiń málimetinshe, qyz sońǵy ret Qarasai aýdanyndaǵy «Dolan» aialdamasy mańynda, «Bambarbiia Kergýdý» resto-bary jaǵyndaǵy beinebaqylaý kameralaryna túsip qalǵan. Alaida onyń keiin qandai kólikke mingeni jáne qai baǵytqa ketkeni ázirge anyqtalmaǵan.
Iasminanyń úiden bas kiimsiz shyqqany belgili. Onyń janynda uialy telefony bolǵanymen, qazirgi ýaqytta SIM-karta nómiri men qurylǵynyń IMEI-kodyn anyqtaý múmkin bolmai otyr.
Izdeý toby Almaty – Bishkek tasjolymen 21 shilde kúni 23:30 men 00:00 aralyǵynda ótken júrgizýshilerden kólikterindegi beinetirkegish jazbalaryn tekserýdi suraidy. Ásirese «Bambarbiia Kergýdý» resto-bary men «Dolan» aialdamasy mańynan qala baǵytyna qarai ótken azamattardyń kómegi mańyzdy ekenin aitady.
Iasminany kórgen nemese onyń qaida bolýy múmkin ekeni týraly qandai da bir málimet biletinderden tómendegi nómirlerge habarlasý suralady:
+7 701 375 92 91
+7 705 105 31 31
Sondai-aq WhatsApp arqyly habarlama jiberýge, LIDER.KZ Instagram paraqshasynyń direktine jazýǵa nemese 102 nómirine habarlasýǵa bolady.
