Túrkistan oblysynda jantúrshigerlik jol apatynan bir otbasynyń bes balasy qaza tapty, dep habarlaidy ult.kz.
Stan.kz málimetinshe, jol apaty Túlkibas aýdanyndaǵy Eńbekshi aýylynda bolǵan. Taǵy bir bala aýyr jaraqat alyp, aýrýhanaǵa jetkizildi.
Aldyn ala málimet boiynsha, Volkswagen Polo avtokóligi joldan shyǵyp ketip, aǵashqa soǵylǵan. Soqqynyń qatty bolǵany sonshalyq, jeńil kólik ekige bólinip qalǵan.
Dárigerler aýyr jaraqat alǵan balanyń ómirin aman alyp qaldy. Alaida onyń jaǵdaiy áli de aýyr dep baǵalanýda.
Politsiianyń málimetinshe, júrgizýshi kólik tizginine ie bola almai qalǵan. Jol-kólik oqiǵasy deregi boiynsha qylmystyq is qozǵaldy.
