Resei prezidentiniń baspasóz hatshysy Dmitrii Peskov Vladimir Pýtinniń Minskige ýkrainalyq tarappen kelissóz júrgizý úshin delegatsiia jiberýge daiyn ekenin habarlady, dep jazdy Sputnik Qazaqstan portaly RIA Novosti agenttigine silteme jasap.
Onyń aitýynsha, reseilik delegatsiia quramynda qorǵanys ministrligi, syrtqy ister ministrligi jáne Kreml ákimshiliginiń ókilderi bolady.
"Zelenskii Ýkrainanyń beitarap statýsyn talqylaýǵa daiyn ekenin málimdedi. Bastapqyda Resei prezidenti Vladimir Pýtin operatsiianyń maqsaty LHR men DHR-ǵa kómektesý, sonyń ishinde Ýkrainany demilitarizatsiia jáne denatsifikatsiia jasaý arqyly kómektesý ekenin aitty. Al bul, shyn máninde, beitarap statýstyń ajyramas bóligi bolyp sanalady", - dep túsindirdi ol.
Belarýs prezidenti Aleksandr Lýkashenko Pýtinge Resei men Ýkraina arasyndaǵy kelissózder úshin jáne kelissózge qatysýshylardyń qaýipsizdigi úshin barlyq jaǵdaidy jasaýǵa daiyn ekenin jetkizdi, dedi Peskov.
