Pýtin qazaq boksshysy Saltanat Medenovany memlekettik ordenmen marapattady

Foto: Kp.ru

Álem chempiony, boksshy Saltanat Medenova Resei prezidenti Vladimir Pýtinniń jarlyǵymen «Otan aldyndaǵy eńbegi úshin» II dárejeli ordenimen marapattaldy, dep habarlaidy Ult.kz.

Marapattaý rásimi Kremldegi Ekaterina zalynda ótip, onda bokstan álem chempionaty jeńimpazdary men Resei boks federatsiiasynyń ókilderine memlekettik nagradalar tabystalǵan.

Saltanat Medenova – 2025 jylǵy IBA álem chempiony, sondai-aq Reseidiń úsh dúrkin chempiony (2021, 2022, 2024). Budan bólek, ol 2024 jylǵy BRIKS oiyndarynyń jeńimpazy jáne 2022 jyly 22 jasqa deiingi jastar arasynda Eýropa chempiony atanǵan.

Omby qalasynda týǵan sportshy etnikalyq qazaq, Qypshaq rýynan shyqqan. Onyń aitýynsha, otbasynda ájesi qazaq tilinde sóileidi, al ata-anasy qazaq jáne orys tilderin qatar qoldanady.