Densaýlyq saqtaý ministriniń mindetin atqarýshy Lázzat Aqtaeva halyqty sebepsiz PTR-testten ótpeýge shaqyrdy, dep habarlaidy QazAqparat.
«Júrgizilip jatqan testterdiń sany boiynsha málimetti keltirsek: 100 myń adamǵa eseptegende Qazaqstan táýligine 7 myń adamdy testten ótkizedi. Basqa eldermen salystyryp kórelik: 100 myń adamǵa eseptegende Avstriia men Kanadada kúnine 6 myń adam, AQSh-ta 8 myń adamdy ótkizedi. Bul tizimde Qazaqstan 34-shi orynda tur», - dedi
Lázzat Aqtaeva OKQ-da ótken baspasóz máslihatynda.
Densaýlyq saqtaý ministri mindetin atqarýshy azamattarǵa tek klinikalyq jáne epidemiologiialyq kórsetkish boiynsha júrgizilýi kerektigin eske saldy.
«Testileýden meditsinalyq uiymdardaǵy infektsiialyq jáne provizorlyq statsionarlarǵa jatqyzylǵan, JRVI, pnevmoniia belgileri bar nemese KVI juqtyrǵan, meditsinalyq baqylaýdaǵy azamattar ótedi. Epidemiologiialyq kórsetkishter boiynsha naýqastarmen jaqyn qarym-qatynasta bolǵan azamattar, statsionarǵa josparly nemese shuǵyl túsken patsientter, meditsinalyq-áleýmettik mekemelerge túsken azamattar testten ótedi. Sonymen qatar test aldyn alý sharasy úshin de ótkiziledi. Ol sanat boiynsha ótetinder: Qazaqstanǵa shetelden keletin azamattar, juqtyrý qaýpi joǵary meditsina qyzmetkerleri (aiyna bir ret) men áskerge shaqyrylýshylar», - dedi ol.
Lázzat Aqtaeva bir máselege nazar aýdarý kerektigin eskertti.
«Test kórsetkishi joq azamattarǵa testten ótýdiń qajeti joq. Iaǵni ne klinikalyq, ne epidemiologiialyq kórsetkishi joq azamattarǵa testten ótip qajet emes», - dedi ol.
Sonymen birge Lázzat Aqtaeva meditsinalyq kórsetkish boiynsha testten ótýdiń mańyzdylyǵyna toqtaldy.
«Halyqtan tek meditsinalyq kórsetkish boiynsha testten ótýdi ótinemiz. Adamdardyń testten ótýi kerektigin klinikalyq nemese epidemiologiialyq kórsetkish rastalǵan jaǵdaida dáriger nemese epidemiolog sheshedi. Men buryn koronavirýs infektsiiasy anyqtalǵan naýqastardyń ishinde 24 paiyzynyń klinikalyq kórsetkishi baryn atap ótken edim. Sol sebepti klinikalyq kórsetkishi bar adamdarǵa basymdyq berilýi tiis. Sebebi koronavirýsty ýaqtyly anyqtaý – oily em-domnyń kepili. Iaǵni eger meditsinalyq kórsetkishsiz qaralatyn bolsańyz, bul jaǵdai zerthanalarǵa júktemeni údetip, tiisinshe test nátijesin alý ýaqyty da sozylyp ketedi», - dedi ol.
