PTR-testi jappai tapsyrýdyń qajeti joq. Bul suraqqa «Ulttyq ǵylymi kardiohirýrgiia ortalyǵy» AQ basqarmasy tóraǵasynyń birinshi orynbasary Mahabbat Bekbosynova jaýap berdi, dep habarlaidy QazAqparat.
«Patsientte sozylmaly aýrýlar, kúretamyr joǵary qan qysymy, qant diabeti bolsa, onda olar erekshe baqylaýda bolýy tiis. Eń aldymen ózin-ózi baqylaýy kerek. Ekinshiden, ambýlatorlyq mekeme tarapynan qadaǵalaý bolýy tiis. Indet Qazaqstanǵa qaraǵanda erte kelgen Eýropadaǵy, Qytaidaǵy ótkenge sholý saraptamalaryna qaraǵanda, aýyr COVID-19 ókpe qabynýy bar adamdardyń shamamen 40 paiyzy qant diabetine shaldyqqan», - dedi Mahabbat Bekbosynova.
Onyń aitýynsha, PTR-diagnostika úshin test tapsyrýǵa naqty aýrý belgisi bolýy tiis. Óitkeni, álemdik statistikaǵa qaraǵanda, koronavirýs infektsiiasy bar adamdardyń 30 paiyzynda PTR-testi virýs joq dep kórsetedi.
«Endeshe, barlyǵy jappai PTR-testi tapsyrý qajet pe ekendigin oilaný qajet. Menińshe, eń aldymen klinikaǵa súiengen jón. PTR-testi virýsty anyqtamaǵanymen patsientte koronavirýsqa tán belgiler bolǵan jaǵdaida úide qalyp, densaýlyǵyn qadaǵalaýy, dene qyzýyn ólshep otyrýy kerek. Sonymen qatar tirkelgen ambýlatorlyq mekemege habarlasap, baqylaýǵa alynǵan jón»,- dedi ol.
