پتر-تەستٸ جاپپاي تاپسىرۋدىڭ قاجەتٸ جوق. بۇل سۇراققا «ۇلتتىق عىلىمي كارديوحيرۋرگييا ورتالىعى» اق باسقارماسى تٶراعاسىنىڭ بٸرٸنشٸ ورىنباسارى ماحاببات بەكبوسىنوۆا جاۋاپ بەردٸ, دەپ حابارلايدى قازاقپارات.
«پاتسيەنتتە سوزىلمالى اۋرۋلار, كٷرەتامىر جوعارى قان قىسىمى, قانت ديابەتٸ بولسا, وندا ولار ەرەكشە باقىلاۋدا بولۋى تيٸس. ەڭ الدىمەن ٶزٸن-ٶزٸ باقىلاۋى كەرەك. ەكٸنشٸدەن, امبۋلاتورلىق مەكەمە تاراپىنان قاداعالاۋ بولۋى تيٸس. ٸندەت قازاقستانعا قاراعاندا ەرتە كەلگەن ەۋروپاداعى, قىتايداعى ٶتكەنگە شولۋ ساراپتامالارىنا قاراعاندا, اۋىر COVID-19 ٶكپە قابىنۋى بار ادامداردىڭ شامامەن 40 پايىزى قانت ديابەتٸنە شالدىققان», - دەدٸ ماحاببات بەكبوسىنوۆا.
ونىڭ ايتۋىنشا, پتر-دياگنوستيكا ٷشٸن تەست تاپسىرۋعا ناقتى اۋرۋ بەلگٸسٸ بولۋى تيٸس. ٶيتكەنٸ, ەلەمدٸك ستاتيستيكاعا قاراعاندا, كوروناۆيرۋس ينفەكتسيياسى بار ادامداردىڭ 30 پايىزىندا پتر-تەستٸ ۆيرۋس جوق دەپ كٶرسەتەدٸ.
«ەندەشە, بارلىعى جاپپاي پتر-تەستٸ تاپسىرۋ قاجەت پە ەكەندٸگٸن ويلانۋ قاجەت. مەنٸڭشە, ەڭ الدىمەن كلينيكاعا سٷيەنگەن جٶن. پتر-تەستٸ ۆيرۋستى انىقتاماعانىمەن پاتسيەنتتە كوروناۆيرۋسقا تەن بەلگٸلەر بولعان جاعدايدا ٷيدە قالىپ, دەنساۋلىعىن قاداعالاۋى, دەنە قىزۋىن ٶلشەپ وتىرۋى كەرەك. سونىمەن قاتار تٸركەلگەن امبۋلاتورلىق مەكەمەگە حابارلاساپ, باقىلاۋعا الىنعان جٶن»,- دەدٸ ول.
