Belgili psiholog Limana Quttybekqyzy karantin kezinde jinalatyn artyq emotsiialar men negativti durys arnaǵa qalai baǵyttaý keregin aitty, dep habarlaidy "Ult aqparat" elorda ákimdiginiń resmi saityna silteme jasap.
«Májbúrli oqshaýlaý kezinde árqaisymyzda jaǵymsyz emotsiialar paida bolady. Osy jaǵdaida ne isteý kerek? Men muny ózderińiz ben otbasy úshin paidaly jasaýǵa keńes beremin. Mysaly, sportpen, ádebiet oqýmen ainalysýǵa. Eń bastysy – bos otyrmańyz! Sol arqyly siz janyńyz ben tánińizdi shyńdai alasyz jáne negativke ońai tótep beresiz», – deidi L.Quttybekqyzy.
Karantin kezinde turmystyq zorlyq-zombylyqtyń ósýi baiqalǵany ras. Bul otbasyna teris áser etip, onyń árbir múshesiniń, ásirese balalardyń janyn jaralaidy.
«Úlkenderdiń esine salǵym keledi: karantin – ýaqytsha qubylys, virýsty jeńý – ýaqyt isi. Jan jaraqatyn emdeý óte qiyn. Bir-birińizdi baǵalańyz jáne qurmetteńiz, ár minýtty paidamen jumsańyz», – deidi Limana Quttybekqyzy.
