Tarazda er adam kóshede oinap júrgen kishkentai balany soqqyǵa jyqty. Baqylaý kameralaryna túsip qalǵan video áleýmettik jelilerge tarap ketken, dep habarlaidy QazAqparat.
Videoda er adamnyń samokat teýip kele jatqan balany urǵanyn kórýge bolady. Soqqynyń saldarynan bala asfaltqa shalqasynan qulaidy. Ornynan turmaq bolǵan balany tebýge tyrysty.
Politsiia departamentiniń málimetinshe, Taraz qalasynyń politsiiasyna Abai dańǵylyndaǵy «Invivo» meditsinalyq klinikasynyń janynda belgisiz adamnyń kámeletke tolmaǵan balaǵa dene jaraqatyn keltirgeni týraly qala turǵynynan aryz tústi.
«Atalǵan derek boiynsha QR QK 293-baby 1-bóligimen sotqa deiingi tergeý amaldary bastaldy. Politsiia qyzmetkerleri Jambyl aýdanynyń turǵynyn anyqtap, politsiiaǵa jetkizdi. Tergeý barysynda kúdiktiniń psihikalyq aýytqýy bar ekendigi jáne qazirgi ýaqytta oblystyq psihiatriialyq aýrýhanada esepte turǵany anyqtaldy», - delingen vedomstvo habarlamasynda.
Kámeletke tolmaǵan balaǵa sot-meditsinalyq saraptama taǵaiyndaldy.
Al, kúdikti sot-psihiatriialyq saraptama taǵaiyndalý úshin psihiatriialyq aýrýhanaǵa jatqyzylǵan.
