Jambyl oblysynda provizorlyq statsionarda jatqan adamnyń jónsiz áreketi qaiǵyly jaǵdaiǵa ákep soqty, dep habarlaidy "Ult aqparat" Jambyl oblystyq politsiia departamentiniń baspasóz qyzmetine silteme jasap.
21 sáýir kúni provizorlyq statsionarǵa jedel respiratorly aýrý, koronavirýs infektsiiasyna kúdikpen ishimdikke toiyp alǵan naýqas tústi. Ony «Aýyl-Bereke» bazarynyń mańynda es-tússiz jáne mas kúiinde jatqan jerinen jedel járdem toby emhanaǵa jetkizgen. Temparatýrasy 38 gradýsqa deiin kóterilgen azamattan KVI infektsiiasyna qan taldaýy alynyp, naýqas aýrýhanaǵa jatqyzyldy, qajetti em-shara jasaldy. Sonymen qatar, onyń narkologiialyq esepte turǵany, ishimdikke áýes ekeni jáne buryn sottalǵany anyqtaldy.
22 sáýir kúni tańerteń oianǵan er adam ashýly boldy. Palatada medbike men sanitardy iterip jiberip, jasyryn túrde meditsinalyq mekemeden qashyp ketpekke áreket jasaidy. Ol ekinshi qabat terezesiniń jaqtaýyna shyqqan bette abaisyzda asfaltqa qulap ketken. Reanimatsiialyq áreketter kómektespedi, naýqas kóz jumdy.
Meditsina mekemesiniń habarlaýynsha, koronavirýs infektsiiasyna tapsyrylǵan qan taldaýy teris nátije kórsetken.
