Atyraý oblysynda tórt adamdy óltirdi dep aiyptalǵan Sultan Sársemálievke qatysty sot jaryssózi bastaldy, dep habarlaidy ult.kz, Qaz365.kz-ke silteme jasai otyryp.
Memlekettik aiyptaýshy sottan aiyptalýshyny ómir boiyna bas bostandyǵynan aiyrý jazasyna kesýdi surady.
Tergeý málimetinshe, Sársemáliev burynǵy jubaiy Aqbaian Muqanǵalievanyń ata-anasyn, aǵasy men ápkesin óltirdi dep aiyptalyp otyr. Qaiǵyly oqiǵa 2025 jyldyń sońynda Atyraý oblysy Jangeldin aýylynda bolǵan.
Sottaǵy jaryssóz barysynda prokýror bul qylmystyń asa aýyr ekenin jáne qoǵamǵa zor zardap ákelgenin atap ótti.
«Sársemálievtiń áreketinen bir otbasynyń tórt múshesi qaza tapty. Aiyptalýshy osy áýlettiń kúieý balasy bolǵan. Marqumdar oǵan senim artqan, alaida ol ózine sengen adamdardyń ómirine qol suqty», - dedi memlekettik aiyptaýshy.
Prokýrordyń aitýynsha, bul oqiǵa tutas bir áýlettiń taǵdyryn oirandap, qoǵamǵa aýyr moraldyq soqqy ákelgen.
Sóz sońynda memlekettik aiyptaýshy sottan Sultan Sársemálievti ómir boiyna bas bostandyǵynan aiyrýdy surady.
