Qazaqstannyń bas prokýrory Jaqyp Asanov prokýratýra organdaryna bailanyssyz jumysqa turýǵa bolatynyn málimdedi, - dep habarlaidy "Ult aqparat" kaz.tengrinews.kz portalyna silteme jasap.
"Búgin bolatyn áńgime óte mańyzdy ekenine kúmánim joq, ásirese jastarǵa. Olar prokýratýraǵa bailanyssyz, telefon arqyly habarlasýsyz jumysqa turýǵa bolatynyn kórip, tekserýi kerek. Biz saýalnama júrgizdik, jastardyń 93 paiyzy, ókinishke qarai, prokýratýraǵa jumysqa turý úshin bailanysyń bolý kerek degendi aitady. Barlyǵy da óz qoldarynda, ómir saltyna bailanysty, áleýmettik belsendiligi men bilimge degen qushtarlyǵyna qatysty", - dedi Jaqyp Asanov kásibi memapparattyń qurylýy máselesi boiynsha alqa otyrysynda.
Bas prokýrordyń pikirinshe, Prezidenttiń "10 naqty qadamy" barlyq organdy, ásirese memlekettik syńaily sektordyń "patriottyǵy sheksiz jáne bilimdi qajet etetin" adamdarǵa esigin aiqara ashýǵa májbúr etedi.
