Prokýratýra «Qazandyq» nemese «Qara kassa» oiynyn alaiaqtyq áreket dep baǵalady. Bul týraly málimet QR Bas prokýratýrasynyń resmi saitynda habarlandy.
Saittaǵy málimetterge qaraǵanda, sońǵy ýaqytta áleýmettik jeliler men mesendjerlerde «Qazandyq» nemese «Qara kassa» oiynyna shaqyrtý tarap jatyr. Sms-habarlamadan belgili bolǵanyndai, oiynnyń máni belgili bir aqsha somasyn engizý jáne basqa adamdardy ózimen birge ákelý bolyp tabylady.
«Demek, aqsha turaqty túrde jańa qatysýshylardy tartý esebinen ǵana túsedi. Qatysýshy qarajat jinap, ózimen birge adamdardy tartady, al piramida óse beredi. Múmkin, joǵary turǵandar shynymen tabys tabatyn shyǵar. Al piramidanyń tómengi jaǵy eshteńe almaidy, olar tek piramidanyń joǵary satysynda turǵandarǵa óz aqshasyn senip tapsyrdy. Osylaisha, osy shemany uiymdastyrýshylardyń is-áreketinde «qarjylyq piramidanyń« belgileri - tabys alýdyń alaiaqtyq shemasy kórinedi», - delingen habarlamada.
Bas prokýratýranyń málimetterine qaraǵanda, birinshiden, joǵary tabystylyq, jyldam baiytý, jyldam paida alý ýádeleri naryq zańdaryna sai emes.
Ekinshiden, uiymdastyrýshylarda arnaiy litsenziialar joq, al qarjy naryqtaryndaǵy qyzmet mindetti memlekettik litsenziialaýǵa jatady.
Úshinshiden, naqty investitsiialyq qyzmet bolmaǵanyna qaramastan agressivti ol jarnama.
Osyǵan bailanysty, Nur-Sultan qalasynyń prokýratýrasy zańsyz tabys tabý boiynsha qyzmet jasaýshylar men olardyń basshylaryna qatysty QK-niń 217-baby (qarjylyq (investitsiialyq) piramidany qurý jáne basqarý) boiynsha qylmystyq jaýapqa tartylatynyn eske salady.
Prokýratýra organdary elorda turǵyndaryna zań turǵysynan kúmándi jolmen tabys tabýdan bas tartýdy usynady.
