Prokýratýra ókili general-maior Jailaýbek Halyqulynyń ólimine qatysty pikir bildirdi, - dep habarlaidy Tengrinews.kz.
"Almaty prokýratýrasy 6 tamyzda saǵat 07.15 shamasynda Almaty QAJD tergeý izoliatory kamerasynda Jailaýbek Halyquly asylyp qalǵany týraly qońyraý túskenin habarlaidy. Shaqyrylǵan dárigerler onyń ólimin rastap, aldyn ala asfiksiia diagnozyn qoidy. Bul derek boiynsha sotaldy tergeý bastaldy, ólimniń sebepterin anyqtaý úshin qajet tergeý jumystary júrgiziledi. Tergeý barysyn Almaty prokýratýrasy baqylaýyna aldy", - dedi vedomstvo qyzmetkeri.
Aita keteiik, buǵan deiin general-maior Jailaýbek Halyquly tergeý izoliatorynda qaitys bolǵany habarlanǵan bolatyn.
Eske salaiyq, mamyrda Sybailas jemqorlyqqa qarsy is-qimyl agenttigi 2009-2016 jyldary Almaty jáne Aqmola oblystary Ishki ister departamentterin basqarǵan politsiia general-maiory Jailaýbek Halyqulyn áshkerelegen edi.
Ol qylmystyq isti toqtatqany úshin aldaý arqyly aqshalai qarajat pen múlikti iemdendi degen kúdikke ilingen bolatyn.
