Jaqyn mańdaǵy úilerdiń turǵyndary osy ýchaskedegi tyǵyzdalǵan qurylysqa, sondai-aq saiabaqtardyń, áleýmettik nysandardyń jáne turaq oryndarynyń jetispeýshiligine narazylyq bildirgen bolatyn.
"Prokýrorlar halyqtyń tyǵyzdyǵy eskerilmegenin jáne nysandy salý qurylys normalarynyń shekti ruqsat etilgen parametrlerinen asatynyn, sondai-aq bilim berýdiń áleýmettik nysandaryna túsetin júkteme eskerilmegenin anyqtady", - delingen habarlamada.
Qurylys salýshy 900 oryndyq mektep salýǵa mindetteme aldy.
Sonymen qatar atalǵan nysannyń radiýsynda balabaqshalar men jalpy bilim beretin mektepterge 2274 oryn tapshy eken, iaǵni mektep salynsa da 1374 oryn jetispeitini habarlandy.
"Qurylys normalary men erejeleriniń basqa da zańbuzýshylyqtary anyqtaldy.
Osyny eskere otyryp, Bostandyq aýdanynyń prokýratýrasy eskizdik jobany kelisý boiynsha Almaty qalasy Qalalyq josparlaý jáne ýrbanistika basqarmasynyń áreketin zańsyz dep taný týraly sotqa talap aryz berdi.
Prokýratýra shaǵyn aýdan turǵyndarynyń tilekteri men áleýmettik máselelerdi eskere otyryp, osy nysannyń qurylys tujyrymdamasyn qaita qaraý qajet dep sanaidy", - dedi vedomstvo ókilderi.
Osy baǵytta jumystar jalǵasatyny aityldy.
Foto: Almaty prokýratýrasynyń saitynan
