Kinopark kinoteatrlar jelisiniń negizin qalaýshy Almaz Maldybaev Dinara Satjanǵa bergen suhbatynda prokatta eń kóp qarajat jinaǵan otandyq filmderdi atady, dep habarlaidy "Ult aqparat" Qaz365.kz saityna silteme jasap.
Onyń sózinshe, «Taptym-aý seni» filmi eki aida 1,827 mlrd teńge jinaǵan. «Dástúr» filmi bir aida 1,728 mlrd teńge qarajat jinaǵan. Onymen suhbat qurǵan jýrnalist Dinara Sátjan budan buryn ár jańa jyl aldynda Nurlan Qoianbaevtyń filmi turaqty túrde 1 mlrd teńgeden kem aqsha jinamaǵanyn eske alady. Al byltyr prokatta bolǵan sheteldik film «Avatarǵa» báribir eshbiri jetpei tur eken. «Avatardyń» prokatynda byltyr 3,5 mlrd teńgeden astam qarajat jinalǵan.
«Qazaqstanda otandyq filmder qalaisha qomaqty qarajat taba bastady?» degen suraqqa Almaz Maldybaev bylai dep jaýap berdi:
«Bul - zańdylyq. Birneshe jyl buryn bizdiń naryqtyń áleýeti týraly kóp aitylatyn. Men sol kezde on jyldan keiin kontenttiń kemi 50 paiyzy qazaq tilinde bolatynyn aitqan edim. Ońtústik Koreia, Japoniia, Qytaida da bizdikindei kontenttiń jartysy otandyq kinolar. Tipti olarda jartysynan kóp».
Sonymen birge, 1 mlrd teńgeden astam qarajat tapqan otandyq týyndylardyń qatarynda «Mirjaqyp. Oian Qazaq» filmi de bar.
