Problemalyq kreditter qory 222 múlkin satýǵa shyǵarady, dep habarlaidy "Ult aqparat".
Atalǵan qor málimetinshe, qordyń jáne onyń enshiles uiymdarynyń 120-dan astam múlki satylǵan. Al qyrkúiekte 222 múlki satylymǵa shyǵarylady. Onyń 125-i jer telimi, 62-si kommertsiialyq jáne 35-i jyljymaityn turǵyn-jai múlki. Qordyń satylatyn jer telimderin, jyljymaityn turǵyn-jai men kommertsiialyq jyljymaityn múlikterin zańdy tulǵalarmen qatar elimizdiń azamattary da satyp ala alady. Satylatyn múlik Qazaqstannyń barlyq aimaqtarynda, iaǵni qalalarmen qatar aýyl aimaqtarynda ornalasqan. Saýdaǵa qoiylǵan nysannyń kóbi Almaty men Shyǵys Qazaqstan oblystarynda ornalasqan.
Almaty oblysynda aýdany 0,05-ten 470 gektarǵa deiingi 104 jer telimi satylady. Jer telimderiniń 91-i Talǵar aýdanynda, al 5-eýi Qapshaǵai aýdanynda ornalasqan.
Shyǵys Qazaqstan oblysynda kóbinese turǵyn jáne kommertsiialyq jyljymaityn múlik satylymǵa shyǵarylmaq. Jyljymaityn turǵyn-jai portfeli 16 birlikten turady. Onyń ishinde 6 páter Óskemen qalasynda, 4 páter jáne 4 úi Semei qalasynda ornalasqan. 15 kommertsiialyq jyljymaityn múlik bar.
Aqmola oblysynda aýdany 0,5-ten 50 gektarǵa deiingi 7 jer telimderi satylady. 4 telim Tselinograd aýdanynda ornalasqan.
Atyraý oblysynda saýdaǵa aýdany 149-dan 243 sharshy metrge deiingi 4 jyljymaityn turǵyn-jai múligi qoiyldy. Atyraý qalasynda 4, al Qulsary qalasynda 2 kommertsiialyq jyljymaityn múlik nysany satylady.
Qostanai oblysynda aýdany 30 sharshy metrden bastalatyn ár túrli 5 kommertsiialyq jyljymaityn múlik satylady. Eń iri nysan – aýdany 2 960 sharshy metrdi quraityn 4 qabatty ákimshilik ǵimaraty. Sondai-aq, satylymǵa jalpy aýdany 442 sharshy metrdi quraityn 4 jyljymaityn turǵyn-jai usynylǵan.
Qaraǵandy oblysynda aýdany 53-ten 1 352 sharshy metrge deiingi 6 kommertsiialyq jyljymaityn múlik, sonyń ishinde Jezqazǵan qalasyndaǵy 4 nysan satylady.
