Búginde Mańǵystaýdaǵy birneshe kásiporynnyń jumysy toqtap tur. Oǵan jumysshylardyń" jalaqyny kótersin" degen talaby sebep bolyp otyr. Kei derekkózderge súiensek, ol jumysshylar jalaqysynyń 1 million teńgege jetýin talap etken eken. Ókinishke qarai, qanshama jumys toqtap, óndiris turalap qalsa, el ekonomikasyna da, halyqtyń áleýmettik jaǵdaiyna da áser etpei qoimaidy ǵoi...
Al, oblys basshysy halyqqa úndeý jasap, máselelerdiń birtindep sheshiletinin aitty. Onyń sózinshe, "Qazmunaigaz" basshysy atalǵan problemany sheshý jumystaryn júrgizip jatyr. Sonymen qatar, óńirdegi jumyssyz azamattardyń jumyspen qamtylýy da qolǵa alynǵan.
«Men barlyǵyn jaqsy túsinemin. Problemalar bar. Olardy sheshý úshin biz barlyq múddeli taraptarmen júieli túrde jumys isteýimiz kerek. Qansha qalasaq ta óńirdiń barlyq turǵyndaryn bir mezette munai-gaz salasyna jumysqa ornalastyrý múmkin emes. Biraq biz shaǵyn jáne orta biznes kásiporyndarynda, basqa da memlekettik jáne basqa kásiporyndarynda jańa jumys oryndaryn quryp, óńir ekonomikasyn ártaraptandyrýǵa tiispiz. Halyqtyń jáne eldiń amandyǵy úshin barshańyzdy sabyr saqtaýǵa jáne túsinistik tanytýǵa shaqyramyn. Kóterilgen máseleler sheshiledi. Biraq birden emes. Ol úshin ýaqyt qajet» - delingen Mańǵystaý oblysynyń ákimi Nurlan Noǵaevtyń úndeýinde.
Shynynda el qaita-qaita tolqi berse, istiń máni qashady ǵoi. Durys, turǵyndar óz talabyn aityp, máselesin jetkizsin. Biraq onyń barlyǵyn bir izge keltirý úshin ýaqyt kerek emes pe? Máseleni sheshemiz dep sharq uryp júrgenderge mursha bergen jón sekildi.
Sosyn, talap qoiǵanda da jan-jaqpen sanasyp, tondy kelisip pishken durys.
