Sýret ©️ ura.ru
Reseilik tergeýshiler Prigojin mingen ushaqtyń shassi bóliminde jarylǵysh qurylǵy bolýy múmkin degen nusqany tekserip jatyr. Bul Shot Telegram-arnasy jazdy, - dep habarlaidy Tengrinews.kz.
Tver oblysyndaǵy Kýjenkino aýyly mańynda Evgenii Prigojin mingen ushaq apatqa ushyrady. Bortta jarylǵysh qurylǵy ornatylǵan bolýy múmkin degen nusqa aityldy.
Tergeýshilerdiń aitýynsha, bomba shassi bóliminde bolýy múmkin, óitkeni jarylys dál sol jerden bastalǵan. Nátijesinde ushaq qanaty julynyp, keiin ol turaqtandyrǵyshty soqqan.
"Osyǵan bailanysty biznes-djet kúrt kóterilip, keiin quldilap qulaǵan. Jarylǵysh germetika áserinen borttaǵy barlyq adam birden esinen tanǵan", - delingen basylymda.
BAQ málimetine súiensek, biznes-djettiń quiryq jaǵy elementi apat núktesinen 3,5 shaqyrym jerde, jeke úidiń alańynan tabylǵan. Taǵy bir bóligi apat ornynan eki shaqyrym jerde tabyldy. Bul bólshektiń ne ekeni belgisiz.
Resei aviatsiiasy jariialaǵan tizimge sáikes, jolaýshylar arasynda Evgenii Prigojin, onyń baǵynyshty komandiri Dmitrii Ýtkin, sondai-aq Nikolai Matýseev, Valerii Chekalov, Aleksandr Totmin, Evgenii Makarian jáne Sergei Propýstin boldy.
