2021 jyly Prezidenttik jastar kadr rezervin irikteýge biýdjetten 70 mln teńge jumsalǵan, dep habarlaidy QazAqparat agenttigi.
Bul týraly QR Prezidenti janyndaǵy Memlekettik basqarý akademiiasynyń rektory Erlan Ábil ortalyq kommýnikatsiialar qyzmetinde ótken brifingide aitty.
«2021 jyly Prezidenttiń jastar kadr rezervin irikteý jumysyn uiymdastyrýǵa memleket biýdjetinen 70 mln teńgege jýyq qarjy bólingen. Ol qarajat IT-platformany daiyndaýǵa, sarapshylardy tartýǵa, assesment-ortalyq uiymdastyrýǵa jumsaldy», - dedi Erlan Ábil.
QR Memlekettik qyzmet isteri agenttiginiń tóraiymy Anar Jaiylǵanovanyń aitýynsha, buǵan deiingi jas mamandar rezervin irikteýge biýdjetten aqsha bólinbegen.
«2019 jylǵy rezervti ótkizgen kezde biz biýdjetten eshqandai qarajat alǵan joqpyz. Onyń barlyǵy Astana Hub-tyń aqshasyna jasaldy. Solardyń Niý-Iorktegi jáne Ystanbuldaǵy keńsesi arqyly bizge úlken kómek kórsetti. Sondyqtan da biýdjetten bir tiyn da shyǵyn shyqqan joq. Kadrlyq rezerv 2019 jyly jáne biyl ótkizildi. 2020 jyly irikteý júrgizilgen joq», - dedi agenttik basshysy.
