Memleket basshysy Qasym-Jomart Toqaevtyń tóraǵalyǵymen Qazaqstan Respýblikasy Úkimetiniń keńeitilgen otyrysy bastaldy, – dep habarlaidy QazAqparat. Keńeitilgen otyrysta Úkimet elimizdiń 2019 jylǵy áleýmettik-ekonomikalyq damý qorytyndylarynyń esebin beredi.
Sondai-aq, Memleket basshysynyń Úkimetke el damýynyń negizgi baǵyttary boiynsha bergen tapsyrmalarynyń oryndalý barysy talqylanady.
Eske salsaq, Prezident Qasym-Jomart Toqaevtyń qatysýymen Úkimettiń ótken otyrysynda eldiń áleýmettik-ekonomikalyq damý máseleleri egjei-tegjeili qaraldy. Prezident sala basshylaryna tiisti tapsyrmalar júktedi.
Jiynda Qasym-Jomart Toqaev investorlarǵa qisynsyz talaptar qoiatyn ákimderge eskertý jasap, «Paraqorlyqqa jol bermeý kerek. Eger de osyndai áreketpen bireý baiqalsa, onda eńbegi men jumys tájiribesine qaramastan, ákimder tiisti jazasyn alady. Bul turǵyda sizderdi aldyn ala eskerttim dep túsinińizder», - degen edi.
