Foto: Astanatv.kz
Memleket basshysy Qasym-Jomart Toqaev Joldaýynda atap ótkendei, gaz salasynda qýattylyqty keńeitý jáne gaz tasymaldaý baǵyttaryn ártaraptandyrý qajet. Úkimettiń basty mindetteriniń biri — halyq pen ekonomikany gazben qamtamasyz etý, dep habarlaidy Ult.kz.
Energetika ministri Erlan Aqkenjenovtiń aitýynsha, damýdyń aǵymdaǵy kezeńindegi salanyń negizgi mindeti — bekitilgen «Gaz salasyn damytýdyń 2029 jylǵa deiingi keshendi jospary» sheńberinde resýrstyq bazany keńeitý jáne qaita óńdeýdi damytý.
«Rojkovskoe, Shyǵys Óriktaý jáne Anabai jańa ken oryndary ónerkásiptik paidalanýǵa berildi. Qashaǵan, Qarashyǵanaq ken oryndarynda jáne Jańaózen qalasynda iri gaz óńdeý zaýyttarynyń qurylysy júrgizilýde. Qashaǵandaǵy qýattylyǵy jylyna 1 mlrd m3 GÓZ qurylysyn aiaqtaý 2026 jylǵa josparlanǵan. Sonymen qatar osy jyldyń mamyr aiynda «Beineý — Bozoi — Shymkent» magistraldyq gaz qubyrynyń ekinshi jelisiniń qurylysy bastaldy, bul bizdiń gaz tasymaldaý júiemizdi aitarlyqtai nyǵaitady», - dedi E.Aqkenjenov.
