QR Prezidenti janyndaǵy Qazaqstan strategiialyq zertteýler institýty direktorynyń keńesshisi Madina Nurǵalieva Prezidenttik jastar kadr rezervi týraly pikir bildirdi, dep habarlaidy QazAqparat.
«Prezidenttiń jastar kadr rezervi bolashaǵynan zor úmit kúttiretin 300 jas qazaqstandyqty iriktep alýǵa múmkindik berdi. Qazir álem boiynsha saiasi elitany jańartý qajettiligi bar. Osy turǵydan alǵanda, bul joba zaman talabyna sai», - deidi Madina Nurǵalieva.
Ol irikteýden ótken 300 adam úlken saiasi laýazymǵa ie bolýy múmkin ekenin aitty.
«Olar - bolashaq ministrler men onyń orynbasarlary, oblys ákimderi, qala ákimderi, komitettiń jaýapty hatshylary jáne basqa da qyzmetterge úmitker. Osy jobaǵa deiin atalǵan laýazymǵa ie bolǵysy kelgen adam barlyq satydan ótip, qyryq bes jastan asqan soń ǵana basshy bola alatyn. Al bul joba jastardyń úlken laýazymda qyzmet etip, qoǵamǵa ózgeris ákelýine múmkindik beredi. Bul jobaǵa 35 jasqa deiingi mamandar qatyssa, irikteýden ótkenderdiń ortasha jasy - 31-de. Eń jas kandidat - 24-te», - deidi ol.
