Memleket basshysy Qasym-Jomart Toqaev Miýnhen qalasyna (Germaniia) jumys saparymen barady. Bul týraly "Ult aqparat" QR Prezidentiniń baspasóz hatshysy Berik Ýálige silteme jasap habarlaidy.
«Memleket basshysy Qasym-Jomart Toqaev 14-16 aqpan aralyǵynda Qaýipsizdik jónindegi 56-shy Miýnhen konferentsiiasyna qatysý úshin Miýnhen qalasyna (Germaniia) jumys saparymen barady. Sapar baǵdarlamasy boiynsha Prezident Miýnhen qaýipsizdik konferentsiiasynyń paneldik pikirtalasyna qatysady jáne birneshe memlekettiń basshylarymen, halyqaralyq uiymdardyń, Germaniianyń iri kompaniialarynyń jetekshilerimen, sondai-aq, akademiialyq toptardyń ókilderimen birqatar ekijaqty kezdesýler ótkizedi dep josparlanǵan», - dep jazady Berik Ýáli facebook paraqshasynda.
Atalǵan is-sharaǵa 40-qa jýyq memlekettiń basshylary, 100-den astam syrtqy ister jáne qorǵanys ministrleri, halyqaralyq qatynastar salasyndaǵy bedeldi sarapshylar qatysady.
Qaýipsizdik jónindegi Miýnhen konferentsiiasy – eń iri jahandyq beiresmi forýmdardyń biri. Konferentsiiada qazirgi zamannyń kókeitesti syn-qaterleri men qaýipteri talqylanady.
Eske salsaq, Qasym-Jomart Toqaev Miýnhen qaýipsizdik konferentsiiasyna qatysatyndyǵyn buǵan deiin de habarlaǵan bolatynbyz.
