11 qańtarda aýys-túiis bolatyny sózsiz. QR Prezidentiniń baspasóz hatshysy Berik Ýáli «Habar 24» telearnasyna bergen suhbatynda osyndai pikir bildirdi, dep habarlaidy QazAqparat tilshisi.
«Prezident onyń anonsyn ózi jasady, bilesizder. 11-i kúnin kúteiik. Prezidenttiń aldyna túsip, sheshimderin aitýǵa meniń quqyǵym joq», - degen Memleket basyshsynyń hatshysy bul kúni aýys-túiis bolatynyn rastady.
«Prezident Úkimetti otstavkaǵa jibergenin bilesizder. Barlyq ministrler qazir mindetin atqarýshy. Qaitadan taǵaiyndalady. Sol kezde kimdi qaldyratynyn, kimdi aýystyratynyn Prezident ózi biledi. Úkimet qaitadan jasaqtalady. Aýys-túiis bolatyny sózsiz aiqyn, ras. Qazir bizdiń halyq aýys-túiis kútedi. Biraq qazirgi tańdaǵy basty maqsat – turaqtylyqty qamtamasyz etý, azamattarymyzdy turmysyn burynǵy qalypty jaǵdaiyna oraltý. Sol baǵytta qazir quqyq qorǵaý organdary jantalasa jumys istep jatyr», - dedi Berik Ýáli.
