Prezidenttik jastar kadrlyq rezervin irikteýdiń ekinshi kezegi avtomattandyrylǵan tetikter arqyly uiymdastyrylady, dep habarlaidy QazAqparat.
Bul týraly Memlekettik qyzmet isteri agenttigi tóraǵasynyń orynbasary Darhan Jazyqbaev ortalyq kommýnikatsiialar qyzmetinde ótken baspasóz konferentsiiasynda aitty.
«Memlekettik basqarýdy damytýdyń 2030 jylǵa deiingi tujyrymdamasy aiasynda memlekettik qyzmetke talanttardy tartýdyń tetikteri jetildiriledi. Odan bólek Prezidenttik jastar kadrlyq rezevine irikteý júiesi ári qarai júielendiriledi. Talantty jastardy tartý arqyly memlekettik apparattyń sapasyn arttyrý kózdelýde. Naqty aitsaq, biyl osy rezervke irikteýdiń ekinshi kezegi ótedi», - dedi agenttik ókili.
Onyń aitýynsha, qazir memlekettik organdarda beiindi jáne biregei mamandar tapshy.
«Osyndai qajetti quzyreti bar adamdardy tartý úshin meritokratiia qaǵidattaryn saqtai otyryp, «pozitsiialyq» modeldiń keńeitilgen elementteri qoldanylady. Irikteý protsesterin jetildirý kezinde basymdyq úmitkerlerdiń kásibi jáne jeke bas qasietterin baǵalaý jaǵyna ózgermek. Ol úshin táýelsiz sarapshylar tartý da kózdelgen. Irikteýdiń barlyq kezeńderi avtomattandyrylady. Bul da irikteý protsesteriniń ádildigi men ashyqtyǵyn qamtamasyz etip, úmitkerlerdi eblsendi izdeýge kómektesedi», - dedi Darhan Jazyqbaev.
